२०८१ आषाढ १२, बुधबार

इजिप्टया ब्रदरहुड पुचःया १०म्हेसित मृत्युदण्डया सजाय

पोहेलागा चतुर्दशी ११४२, माघ १७ सोमवाः

इजिप्टया छगू अदालतं प्रतिबन्धित मुस्लिम ब्रदरहुड पुचःया १०म्हेसित मृत्युदण्डया सजाय न्यंकूगु दु ।

इमिसं प्रहरीयात हताः यायेगु योजना दयेकूगु द्वपनय् मृत्युदण्डया सजाय न्यंकूगु खः । उगु द्वपनय् वंगु दँ ज्वंपिं ९म्ह आः न हिरासतय् हे दु । छम्हेसित धाःसा आः तिनि ज्वंगु खः ।

इमिसं हेल्वान ब्रिग्रेड्स नांया पुचः दयेकाः प्रहरीयात हताः यायेगु कथं सरकारयात असफल याकेगु योजना दयेकूगु द्वपं बियाः सजाय न्यंकूगु खः । इजिप्ट हलिंया दकले उप्वः मृत्युदण्डया सजाय बीगु देय् मध्ये स्वंगूगु थासय् लाः ।

थ्वस्वयां उप्वः चीन व इरानय् मृत्युदण्डया सजाय बिइगु यानाच्वंगु दु । एम्नेस्टी इन्टरनेशनलया कथं इजिप्टय् वंगु दँ जक सछिम्ह मल्याक मनूतय्त मृत्युदण्ड ब्यूगु खः ।

Categorized in अन्तर्राष्ट्रिय