इटालीइ लकडाउनया घोषणा
लहानान्युज | थिंलाथ्व पंचमी ११४१, पुस ४ सनिवाः
क्रिसमस व न्हुगु दँ इलय् हुलमुल जुइ धका इटलीइ देयन्यकं लकडाउनया घोषणा याःगु दु ।
क्रिसमस व न्हुगु दँ हनेगु झ्वलय् हुलमुल जुइगु व सार्वजनिक समारोहया कारण कोरोना भाइरसया महामारी झन अप्वो जुइफु धाःसे इटलीइ देयन्यकं लकडाउनया घोषणा याःगु दु ।
डिसेम्बर २४ तारिख निसे इटलीया रेष्टुरेन्ट बन्द जुइगु व अन अत्यावश्यक बाहेकया पसः इटालीइ लकडाउनया घोषणा चायेके दइ मखु। अथेहे भिडभाड पूर्ण रुपं निषेध याःगु दु। छेँ पिने पिहा वयेत पुलिसयात कारण क्यने माःगु ब्यवस्था याःगु दु। अथेहे निम्ह स्वया अप्वो पाहुना छेँ ब्बने दइ मखू। चान्ह्य १० बजे निसे सुथय् ५ बजे तक कर्फ्यू लगे याःगु दु ।
इटलीया प्रधानमन्त्री ग्युसेप कोन्टे न लकडाउनया निर्णय अप्रिय जूसा थ्व स्वया अप्वो मेगु विकल्प मदु धका धाःगु दु ।
इटली युरोपया हे दकलय् अप्वो कोरोनाया कारण ६८ हजार स्वया अप्वासिगु ज्यान वःगु खः। क्रिसमस व न्हुगु दँयात लक्षित यासे युरोपया यक्को देशं लकडाउनया घोषणा याये धुकुगु दु।
Categorized in अन्तर्राष्ट्रिय
