इटालीइ हाकन २१ दिं लकडाउन
लहनान्युज | चौलागा चतुर्थी ११४०, चैत्र २९ शनिवाः
इटालीइ लकडाउन मे ३ तक तःगु दु । इटालीया प्रधानमन्त्री गिउसेपे कोन्टें देशय् लकडाउन मे ३ तक तयेगु निर्णय याःगु दु ।
इटालीइ मार्च ९ य् न्हापागु लकडाउनया घोषणा याःगु खः । थुगु लकडाउन अप्रिल ३ तक घोषणा याःगु खः ।
लिपागु ई थुगु लकडाउन १३ अप्रिल तक याःगु खः । अझ न इटालीइ कोरोना भाइरस (कोभिड–१९) या महामारी राके मजुनि । थुकिया कारण मेग २१ दिं थपे याना मे ३ तक यायेगु निर्णय याःगु खः ।
इटालीइ लकडाउनं संक्रमित व सिपिनिगु ल्याखय् असर खने दुगु खः । शुक्रवाः सार्वजनिक यागु तथ्यांक कथं इटालीइ लिपागु २४ घण्टाय् ५७० म्ह भाइरसया कारण सिइगु खः ।
थ्वःलिपागु वालय् दकलय् कम खः । तर, इटाली विश्वय् कोरोना भाइरसपाखे सिपि दकलय् अप्वो जुगु देशय् लाः । आतक अन १८ द्धः व ८४९ म्ह मनूत भाइरसया कारण सिइगु खः ।
