इटाली तसकं तांन्वल
गुंलाथ्व चतुर्थी ११४१,साउन २८ बिहीवाः
इटालीया आइल्याण्ड सिसिलीइ थौंकन्हय् अतिकं तांन्वः ।
सिसिलीया तापक्रम ४८ दशमलव ८ डिग्री सेल्सियस मापन याःगु दु । विश्व मौसम संगठन, डब्लुएमओया कथं आःतक युरोपय् मापन याःगु उच्च तापक्रम ४८ डिग्री सेल्सियस खः ।
लुसेफर नांया एन्टिसाइक्लोनया हुनिं इटालीइ तापक्रम अप्वःगु धागु दु । अफ्रिकां वःगु लुसेफर नांया क्वाःगु फसंयानाः इटाली तांन्वःगु खः ।
उच्च वायुमण्डलीय दबाबया हुनिं क्वाःगु फय् चाःचाःहिलाः न्ह्यानाच्वंगु दु । भूमरी थें यानाः न्ह्यानाच्वंगु फय् आः राजधानी रोमय् थ्यनीन । थ्वहे फय्या हुनिं इटालीया मेमेगु शहरय् थौंकन्हय् अतिकं तांन्वः ।
Categorized in अन्तर्राष्ट्रिय
