इण्डियन प्रिमियर लिग क्रिकेटय् सट्टेबाजीयापि न्ह्यम्हेसित ज्वन
लहानान्युज | अनलागा १० ११४०,असोज २६ सोमवाः
प्रहरीं येँया कालीमाटी न इण्डियन प्रिमियर लिग (आईपीएल) क्रिकेटय् सट्टेबाजी याःगु द्धपनय् न्ह्यम्हेसित ज्वःगु दु।
ज्वपि भारतय् च्वपि कुलदीप शरण, सन्जिव शरण, ३८ दँ दुम्ह अजय गौतम, ४६ दँ दुम्ह नविन जैन, येँ महानगरपालिका १४ कुलेश्वर च्वम्ह ५१ दँ दुम्ह उत्तम सापकोटा, प्रदिप घिमिरे व येँ महानगर १३ सोल्टिमोड च्वम्ह ५५ दँ दुम्ह अनिल कुमार बमसलपि खः।
आईपीएल क्रिकेटय् सट्टेबाजी जुया च्वगु सूचं वःगुलि महानगरीय प्रहरी वृत्त कालीमाटी च्वपि प्रहरीया टोलीं कुलदीपयात कालीमाटीपाखे आइतवाः नियन्त्रणय् काःगु खः। कुलदीपया हे बयानया आधारय् मेपि खुम्हेसित न प्रहरी ज्वःगु खः। कुलदीप कमलपोखरीया होटल कोनार्क इनया कोठा नं. १०५ य् ज्वःगु खः।
प्रहरी उपरीक्षकया कथं उमित निगः सवारी साधन व छगु लाख ८५ हजार १२० नेरु बरामद याःगु खः।
ज्वपिन्त माःगु अनुसन्धान जुयाच्वंगु धका प्रहरीं धाःगु दु।
Categorized in अपराध
