इन्टर मिलान इटालियन सिरी ‘ए’ शीर्ष थासय्
थिंला चतुर्दशी ११४२, पुष ३ सनिवाः
इन्टर मिलानं इटालियन सिरी ‘ए’ शीर्ष थासय् ४गू ल्याःया अग्रता दयेकुगु दु ।
रेलिगेसन जोनय् संघर्ष यानाच्वंगु घरेलु टोली सालेरनिटानायात इन्टर मिलानं ५गू–०या तःधंगु गोल अन्तरं बुकुगु खः ।
स्टेडियो एरेची सालेर्नाेय् वंगु चान्हय् जूगु कासाय् इन्टरया सानदार जितय् इभान पेरिसिस, डेम्जेल डेमफ्रेज, एलेक्सिस सान्चेज, लोउटारो मार्टिनेज व रोबर्टाे गाग्लिएरडिनीं उतिग्यंक छगू छगू गोल याःगु खः ।
न्हापांगु हाफय् ३गू लिसें निगूगु हाफय् निगू गोल जूगु खः । कासा त्यागुलिसें इन्टरं निगूगु थासय् दूगु एसी मिलानयात ४ गू ल्याः खं लिउने लाकुगु दु । अयेसां मिलानं छगू कासा म्हो म्हितुगु दु ।
इन्टरया १८गू कासां ४३गू ल्याः जूगु दु । मिलानया १७गू कासां ३९गू ल्याः जूगु दु । बूगु सालरेनिटाना ८ गू ल्याः मुना दक्वःलय् लिउने दु ।
Categorized in कासा