इपिएल प्ले अफ्या कासा न्ह्यात
ञंलागा औंसी ११४१, असोज २० बुधवाः
एभरेष्ट प्रिमियर लिग (इपिएल) टि ट्वेन्टी क्रिकेटय् थौंनिसें प्ले अफ्या कासात न्ह्याःगु दु ।
धेंधें बल्लाःया न्हापांगु क्वालिफायर कासाय् थौं चितवन टाइगर्स व पोखरा राइनोज दथुइ कासा क्वःज्यूूगु दु । लिग चरणय् शिर्ष थासय् च्वनाः चितवन अले निगूगु थासय् च्वनाः पोखरा क्वालिफायरया ल्यज्याय् लाःगु खः ।
थुगु कासाया त्याकामि फाइनल थ्यनी । बुइगु टोलीं धाःसा कन्हय् निगूगु क्वालिफायर म्हिती । थौंया निगूगु कासाय् काठमाडौं किङ्स ११ व भैरहवा ग्लाडिएटर्स चुलिंचू लाइ । थ्व कासा न्हिनय् १ताःत्या इलय् न्ह्याइ ।
त्याकामिं न्हापांगु क्वालिफायरय् बुइगु टोलीलिसे फाईनल थ्यनेत धेंधें बल्लाः याइ । इपिएल क्रिकेटया फाइनल कासा थ्व हे शनिबाः जुइ ।
Categorized in कासा
