इमर्जिङ कप म्हितेत नेपाली टिम बंगलादेशपाखे
लहनान्यूज | चिल्लागा द्वादशी ११३७ (मार्च २५ २०१७)
बंगलादेशय् न्ह्यायेत्यंगु एसीसी इमर्जिङ कप क्रिकेट कासाय् ब्वति कायेत नेपाली क्रिकेट टिम थौं बंगलादेश वंगु दु ।
व स्वयां न्ह्इः राष्ट्रिय खेलकुद परिषद (राखेप)या सदस्य सचिव केशवकुमार विष्टं नेपाली क्रिकेट टिमयात भिंतुना ब्युसें बिदाइ बियादिल ।
ज्ञानेन्द्र मल्लया कप्तानीइ दुगु नेपालं थःगु न्हापांगु कासाय् सोमबाः पाकिस्तानया २३दं क्वयया टिमलिसे म्हिती । अथे हे मंगलबाः बंगलादेशया टिमलिसे व बिहीबार हङकङलिसे धेंधें बल्लाः याइगु धलः दु ।
एसियाया प्यंगू टेस्ट मान्यता दुगु व प्यंगू एसोसिएट राष्ट्रयात निगू पुचलय् ब्वथलाः कासा न्ह्यायेत्यंगु दु । एसोसिएटया राष्ट्रिय व टेस्ट मान्यता दुगु राष्ट्रया २३दं क्वयया टिमं म्हिती ।
Categorized in कासा
