२०८० चैत्र १६, शुक्रबार

इरानया आणविक ज्याझ्व विरुद्ध छधि जुइत इजरायलया इनाप

बछलाथ्व एकादशी ११४१,असार ७ सोमवाः

इरानं आणविक उर्जा केन्द्र छुं ईया नितिं बन्द जूगु न्ह्यथंगु दु । तर अधिकारीतयेसं धाःसा केन्द्रय् प्राविधिक समस्या वयेधुंक छुं ई भिंकेगु नितिं बन्द जूगु न्ह्यथंगु दु ।
 
तर इरान सरकारं धाःसा आणविक केन्द्र बन्द यायेमाःगुया हुनिंया खँय् छुं स्पष्ट मयाःगु अन्तर्राष्ट्रिय समाचार संस्थातयेसं न्ह्यथंगु दु । इरानं दक्षिणी शहर बुशहरय् दूगु उगु सो केन्द्र न्हापांखु्सिइ आपतकालीन कथं बन्द याःगु खः ।
 
सन् २०११ य् उगु केन्द्र स्थापना जूगु नापं अमेरिका लिसेंया युरोपियन युनियनं तकं इरानयात आणविक केन्द्र बन्द यायेत दबाब बियावःगु दु । उगु कन्द्रमा उत्पादन जूगु आणविक उर्जा संयुक्त राष्ट्रसंघया  अन्तर्राष्ट्रिय आणविक उर्जा केन्द्र (आईएईएं) अनुमोदन याःसा नं लिपांगु ई थुकिया ज्यापहःया खँय् जानकारी मदूगु धका इरानया कुँख्यना जुइगु याःगु दु । 
 
अमेरिका लिसेंया देशं इरानयात आणविक ज्याझ्व बन्द यायेत दबाब बिउसा नं उगु कुतः सुथालाय्फूगु मदुनि । अमेरिकां सन् २०१५ य् जूगु आणविक सम्झौताया छखेरपाखें भंग याःगु नापं इरानं आणविक ज्याझ्वयात तच्वयेकुगु दु । 
 
थुखे इरानया ख्याच्वः विरुद्ध छधि जुइत अमेरिकायात इजरायलं इनाप याःगु दु । इरानया आणविक ज्याझ्व रद्द यायेत व चिधंगु ल्याःखय् जक संचालनया नितिं दबाब बियाच्वंगु इलय् इरानं धाःसा थःगु ज्याझ्वयात निरन्तरता बिइगु धयावःगु दु ।
 
न्हूम्ह निर्वाचित राष्ट्रपति इब्राहिम रायसीं आणविक ज्याझ्वयात निरन्तरता बिइगु छुं बिउगु नापं इरानयात थप दबाब बिइत इजरायलं अन्तर्राष्ट्रिय समुदायलिसे ग्वहालि फ्वंगु खः । 
 
 
Categorized in अन्तर्राष्ट्रिय