उग्रचण्डी देगःया जीर्णोद्धार क्वचाल
नृपेन्द्रलाल श्रेष्ठ | थिंलाथ्व दशमी ११३८ (दिसेम्वर १७ २०१८)
२०७२ सालया तःभुखाचं स्यंगु जाह्वलाख्यलय् च्वंगु ताम्रकारपिनिगु कूलदेवता उग्रचण्डी देगःया जीर्णोद्धार क्वचाःगु दु ।
उगु देगःया जीर्णोद्धार लिपा याःगु क्षमापूजा व सम्मान ज्याझ्वलय् वरिष्ठ संस्कृतिविद् वाङमय शताब्दी पुरुष डा. सत्यमोहन जोशीं भुखाचं क्षतिग्रसत जूगु सम्पदा समुदायस्तरपाखें जीर्णोद्धार जूगु उदाहरणीय खँ जूगु धयादिल ।
ज्याझ्वलय् यल महानगरपालिकाया उपप्रमुख गीता सत्याल, ताम्रकार समाजया नायः रविन्द्र ताम्रकार, न्वकू विनोद ताम्रकार, मूछ्याञ्जे शम्भु गोविन्द ताम्रकार, पवन ताम्रकार थःथःगु नुगःखँ तयादीगु खः ।
थ्व हे झ्वलय् देगः जीर्णोद्धार याय्गु ज्याय् न्हय्लानिसें निरन्तर खटे जुयादीम्ह समाजया सम्पदा संरक्षण उपसमितिया संयोजक पवन कुमार ताम्रकार व दुजः रुपबहादुर ताम्रकारयात विशेष सम्मान याःगु खः ।
