पेजथ्री बाःछिपौया ग्वसालय् जूगु चेज बूदिंया भिंतुना म्ये कासा उत्तम महर्जनं त्याकादीगु दु । १२१ म्ह कासामि दुथ्याःगु थुगु कासा त्याकाः महर्जनं २४ इन्चया चेज लिड टिभी छगः, आर्टोम्यूज रेकर्डिङ स्टुडियोपाखें सुरजवीर बज्राचार्यया च्वसाय् व जुगल डंगोलया संगीत व संगीत संयोजनय् म्ये रेकर्डिङया सिरपा नापं थुगु म्येया म्यूजिक भिडियो निर्माणया सिरपा नं त्याकादीगु दु । म्यजिक भिडियो निर्माणया सिरपा मनोजरत्न शाहीं देछानादीगु खः ।
 

 

थुकथं हे म्ये रेकर्डिङया सिरपाः त्याकादीपिं टप ५य् लाःपिं प्यम्ह कासामिपि भाजु परमेश मल्ल, मय्जु सुमन मानन्धर, भाजु रविनसन कंसाकार व भाजु मुकेश शाक्य खः । वय्कःपिन्त नं आर्टोम्यूज रेकर्डिङ स्टुडियोपाखें हे नेपालभाषाया म्ये रेकर्डिङया सिरपा देछानादीगु दु । प्रकाश दीप, पूर्णकाजी ज्यापु, हरिराम महर्जन थेच्वमि व दर्शनवीर शाक्यं च्वयादीगु म्ये जुगल डंगोलया हे संगीत व संगीत संयोजनय् थुगु म्ये देछाःगु खः ।
 

 

टप ५ य् लाःम्ह कासामि मय्जु सुमन मानन्धरं हे दकले अप्वः स्वःगु भिडियो÷भ्यूजपाखे न्हाप जुयाः सिरपा २४ इन्चया चेज लिड टेलिभिजन नं त्याकादीगु खः ।
थुगु ज्याझ्वलय् मचा बूदिंया भिंतुना म्ये हालामिपिन्त हःपा बीकथं दोहलपा नं लःल्हाःगु खः । हरिकृष्ण श्रेष्ठं मेडल, रुपा श्रेष्ठ न्याँछ्यो, प्रतिमा बज्राचार्य व विनय राजोपाध्यायं पियानिका, लूजः स्टेशनरी व लूनिभाः स्टेशनरीपाखें स्टेशनरी, अजय देशारपाखें यङ्ग पिकासोपाखें आर्ट तालिम, मीना बज्राचार्यया बाखं सफू, सुरज ब्यञ्जनकारया म्येचाः लिथ्वःगु मतिना देछाःगु खः ।
 

 

पौष १ गतेनिसें न्ह्याःगु चेज बूदिंया भिंतुना म्ये कासा माघ ८ गते चान्हसिया १२ बजेतक म्ये दुथ्याकेगु ई बियातःगु खः । थुगु ईतक १२१ म्ह म्येहालामिपिन्सं ब्वति कयादीगु खःसादकले अप्वः भ्यूज दुम्ह मय्जु सुमन मानन्धरया म्ये भिडियो स्वःगु ल्याः ७७,८१७ थ्यंगु खः ।
 

 

सिरपा घोषणा व लःल्हायेगु तातुनां ग्वसाः ग्वःगु चेज बूदिंया भिंतुना म्ये कासाया मेगु विशेषता पेजथ्री सनिल नं खः । राष्ट्रिय नाचघरय् जूगु ज्याझ्वलय् वरिष्ठ म्येहालामि जुजुकाजी रंजित, नीशा देसार, सतिष महर्जन, सरीता शाही, दीपा महर्जन, रत्नशोभा महर्जन, सानुबाबु महर्जन, सुरज ब्यञ्जनकार, भूपेन्द्र बज्राचार्य, रोजी डंगोल श्रेष्ठ, पूर्णकाजी ज्यापु, रीता महर्जन, विरज महर्जनं थुगु लसता हना ज्याझ्वलय् म्ये न्यकादीगु दुसा आराध्यलक्ष्मी खड्गी, मिनर्वा शर्मा राजोपाध्याय, राजन शाही, रजनी खड्गीं हुलाप्याखं न्ह्यब्वयादीगु खः ।

 

 

थुगु ज्याझ्वलय् रेडियो व टेलिभिजनया ख्यलय् लोकंह्वाःपिं श्रीकृष्ण महर्जन, प्रतिसरा साय्मि, विराजकाजी राजोपाध्याय, सुरेन्द्र मानन्धर व पुचः, रामकृष्ण खड्गी व पुचः, पवित्र कसाः, मीना बज्राचार्य, केके मानन्धरपिन्सं उद्घोषण यानादीगु खःसा कलाकार रुपेन्द्र थक्वां मेमिक्री न्ह्यब्वयादीगु खः ।
 

 

मंगलधूनया लसय् सुरजवीर बज्राचार्य च्वयादीगु, हालादीगु जुगल डंगोलया संगीत संयोजनय् पिदंगु बूदिंया भिंतुना म्ये हालाः कासाय् ब्वति कयादीपिं मेपिं कासामिपिं सजगता मानन्धर (५ दँ), सुविन्या डंगोल (५ दँ), सार्थक नकःमि (६ दँ), दिक्षा शाक्य (६ दँ) , तिमिलाजः महर्जन (६ दँ), सजेना चित्रकार (७ दँ), लुँस्वां मानन्धर (७ दँ), आलोक महर्जन (मचा), सरिना श्रेष्ठ (८ दँ), अनुष्का महर्जन (८ दँ), देशना देशार (८ दँ), प्रतिज्ञा बज्राचार्य (९ दँ), प्रतिष्ठा बज्राचार्य (९ दँ),  रक्षा महर्जन (९ दँ), इशिका महर्जन (९ दँ), आकृति महर्जन (९ दँ), आकृति (झल्झली) महर्जन (९ दँ), बिधान तुलाधर (१० दँ), सचेतना मानन्धर (१३ दँ), प्राप्ति मानन्धर (१३ दँ), रबिनसन कसाः, अमोघबीर बज्राचार्य, भुपेन शाक्य, बन्धुदत्त बज्राचार्य, चन्द्र देबी शाक्य, बीरेन्द्रमान शाक्य, विनय राजोपाध्याय, हेमरत्न शाक्य, चिधिबाबु शाक्य, ज्याक महर्जन, किर्तिसुदन जोशी, निरोज महर्जन, मन्जिल शाक्य, प्रतिमा बज्राचार्य, पुष्परत्न बज्राचार्य, राजिव योगल श्रेष्ठ, रमेश महर्जन, रत्नसम्भव शाक्य, रत्नशोभा बज्राचार्य, ताराराम मुनकर्मी, सुरेन्द्रराज बज्राचार्य, राजु बज्राचार्य, सुमन मानन्धर, सुबि श्रेष्ठ, रमा महर्जन, लोकराज बज्राचार्य, रुपा श्रेष्ठ न्यांछ्यों, सबिन डंगोल, बिगेन तुलाधर, न्युइराष्मी बज्राचार्य, सेटिस्फाई महर्जन, ज्ञानेन्द्र राज बज्राचार्य, बिपिन शाक्य, रेश्मा शाक्य, लजना मानन्धर, राजेन्द्र बज्राचार्य, बिजयकुमार श्रेष्ठ, दिपेश महर्जन, अमिता महर्जन ‘लूमिला’, ऋतु तण्डुकार रोविनशन, राजु बज्राचार्य (दथुलं शंखमुल), श्रीजना शाक्य, सबना बज्राचार्य, शुशिला मानन्धर, मिनर्वा राजोपाध्याय, पुष्पराज शाक्य, पुष्प मानन्धर, दया बज्राचार्य, शारदा श्रेष्ठ, सुमन (सिद) मानन्धर, जयन्द्र ताम्राकार, सन्जिव शाक्य, रेइना महर्जन, हरिकृष्ण महर्जन, तोषण शाक्य, नदिम शाक्य, रोशन श्रेष्ठ, शर्मिला शर्मा राजोपाध्याय, अनिल तुलाधर, राजेश्वरी राजोपाध्याय, मणिका शर्मा राजोपाध्याय, उजं शाक्य, कल्पना श्रेष्ठ, रमिता बज्राचार्य, उत्तम महर्जन, मैयाँ बज्राचार्य, पारस बज्राचार्य, कुशुम शाक्य, वीरेन्द्र बज्राचार्य, रिया (सजना) शाक्य, विश्वराज लवट, रेश्मा शाक्य (हःखा, यल), गीता सिख्राकार, मुकेश शाक्य, कृष्ण महर्जन, निर्मला शाक्य, प्रविन शाक्य, गंगादेवी महर्जन, नविन थेच्वमि, सुदीज बज्राचार्य, उजय शाही, रोजी बज्राचार्य, अनिषा श्रेष्ठ, किरण चित्रकार, पूर्णकुमार अवाले, आशाराम महर्जन, रत्नमान महर्जन, भूवनराज शाक्य, शुशिला श्रेष्ठ, निशान्त श्रेष्ठ, बिन्दुलाल जोशी, रमा बज्राचार्य, निर्मल महर्जन, प्रदिप बज्राचार्य, केशरी बज्राचार्य, न्हुच्छेराज शाक्य, पूर्ण शाक्य, सुमित्रा महर्जन, राजु शाक्य, परमेश मल्ल, राजेश महर्जन नेवाः खः । थुगु पुचलय् मचापिं कासामिपिं २० म्ह दुसा कासाय् दुमथ्याःम्ह ३ दँ दुम्ह अपूर्व शर्मा राजोपाध्यायया म्ये भिडियो नं अतिकं लोकंह्वाःगु खः ।

 

सकल मचा कासामिपिंनापं दकले क्वकालीम्ह म्येहालामि अपूर्व अले सुप्रिया राजभण्डारीयात नं थुगु ब्वतिलिसें मुक्कं १२१ म्हसिगु ब्वति, ब्वतिइ स्वनिगःपिनें, देसं पिनें ब्वति काःपिं कासामिपिं जक मखःसे नेवाः भाय् मसःपिनिगु व तामाङ समुदायया नं थुगु म्येहालामिकथं प्रतिनिधित्व दुगु कासानाप स्वाःगु उत्साहकथं कयाच्वना ।
 

 

गोल्मा कम्पनी प्रा.लि.या उत्पादन चेज लिड टिभी, आर्टोम्यूज रेकर्डिङ स्टुडियोया ग्वाहालिइ न्ह्याःगु थुगु कासा, लिच्वः व पेजथ्री सनिल हनाज्याझ्वःया प्रचारया नितिं इनाप यासें सुभाय् देछाना ।

 

Categorized in राष्ट्रिय