२०७८ माघ ५, बुधबार

उत्तर कोरियाया ख्याच्वः

ञलागा द्वादशी ११४१, असोज १८ सोमबाः

उत्तर कोरियां संयुक्त राष्ट्र सुरक्षा परिषदयात थःगु मिसाइल प्रक्षेपण ज्याझ्वया आलोचनाया खँय् प्रतिक्रिया बिउसें गम्भीर लिच्वः फयेमाःगु ख्याच्वः बिउगु दु ।
 
संयुक्त राष्ट्र सुरक्षा परिषदं वंगु शुक्रबाः आपतकालिन मुँज्या आव्हान यासें फ्रान्सं उत्तर कोरियाया मिसाइल प्रक्षेपण ज्याझ्वलय् खँय् गम्भीर ध्यानाकर्षण जूगु धायेधुंका उत्तर कोरियां थुकथं ख्याच्वः बिउगु खः ।
 
उत्तर कोरियाया बिदेश मन्त्रालयं छगू वक्तब्य पिकाना उत्तर कोरियाया निजी मामिलाय् हस्तक्षेप मयायेत संयुक्त राष्ट्र सुरक्षा परिषद्यात ख्याच्वः बिउगु खः । उत्तर कोरियां दक्षिण कोरियालिसे वार्ता यायेत मनंतुंगु नं धाःगु दु ।
 
अमेरिकां उत्तर कोरियायात तःगु प्रतिबन्धया हुनिं छुं मछिंगु स्थिति ब्वलनेधुंका दक्षिण कोरियालिसे वार्ता यायेत मनंतुगु आंकलन याःगु दु ।
Categorized in अन्तर्राष्ट्रिय