उत्तर प्रदेशया मन्त्री चेतन चौहान कोराना संक्रमणपाखे मन्त
लहनान्युज | गुंलागा १३ ११४०,भाद्र १ सोमवाः
कोरोना संक्रमित जुया भारत उत्तर प्रदेशया मन्त्री चेतन चौहान मन्त ।
पूर्व भारतीय क्रिकेट तक जुयादिम्ह चौहान सैनिक कल्याण, होमगार्ड व नागरिक सुरक्षा मन्त्री खः । ७२ दँया चौहान मदुगु धका वया किजा पुष्टि याःगु दु ।
चौहानयात १९ जुलाईलय् कोरोना संक्रमण पुष्टि जूग खः । चौहानयात वासः गुरुग्राम मेदान्ता अस्पतालय् याना वयाच्वंगु खः । वयात कृत्रिम सासः ल्ह्याकेगु व्यवस्था याना तःगु खः ।
मदुम्ह चौंहान प्रति प्रधानमन्त्री नरेन्द्र मोदी व उत्तरप्रदेशया मुख्यमन्त्री योगी आदित्यनाथं दुःख व्यक्त यानादिगु खः । प्रधानमन्त्री मोदीं चौहान छम्ह शानदार क्रिकेटरय् तक लुमका दिगु खः ।
