उपकूलपतिलिसें च्याम्ह विरुद्ध भ्रष्टाचार मुद्दा दायर
सुनसरीया धरानय् च्वंगु वीपी कोइराला स्वास्थ्य विज्ञान प्रतिष्ठानया तत्कालीन उपकूलपतिलिसें च्याम्ह विरुद्ध थौं सोमवाः विशेष अदालतय् भ्रष्टाचार मुद्दा दायर याःगु दु ।
 
 
वस्तु तथा सेवा खरिदया प्रकृयाय् १६गू करोड स्वयां अप्वः धेबा हिनामिना याःगु द्वपनय् अख्तियार दुरुपयोग अनुसन्धान आयोगं प्रतिष्ठानया च्याम्ह विरुद्ध भ्रष्टाचार मुद्दा दायर याःगु खः ।
 
 
तत्कालीन उपकूलपति बलभद्र प्रसाद दास, अस्पतालया तत्कालीन निर्देशक अरविन्दकुमार सिन्हा, तत्कालीन रजिष्टारपिं नन्दकुमार थापा व तुलबहादुर श्रेष्ठलिसें च्याम्ह विरुद्ध आयोगं अभियोग पौ दायर याःगु खः ।
 
 
दासलिसे ४गू करोड ९गू लखतका, सिन्हालिसे ३गू करोड ७५गू लखतका, थापालिसे १गू करोड ९६गू लखतका, श्रेष्ठलिसे ५६गू लखतका विगो माग याःगु दु ।
 
 
अथे हे, प्रतिष्ठानया लेखा प्रमुख दिनेशराज दाहाल व डेपुटी मेनेजर अमीत श्रीवास्तव विरुद्ध नं आयोगं आरोप पौ दायर याःगु दु । दाहाललिसे २गू करोड ३४गू लखतका व श्रीवास्तवलिसे १गू करोड ७४गू लखतका माग दावी याःगु दु ।
 
 
अथे हे, प्रतिष्ठानय् उपकरण सप्लाई याइम्ह चेतन अग्रवाल व उमेश अग्रवालयात नं आयोगं विपक्षी दयेकूगु दु । चेतनलिसे १गू करोड ४गू लखतका व उमेशलिसे ६०गू लख ३६द्वः तका विगो माग याःगु दु ।
Categorized in अपराध