उपत्यका प्राधिकरण खारेज जुइमा प्रवक्ता इश्वरमान डंगोल
नृपेन्द्रलाल श्रेष्ठ | पोहेलागा अष्टमी ११३९ (जनवरी २८ २०१९)
येँ महानगरपालिकां उपत्यका विकास प्राधिकरण खारेजीया माग यासें खारेजया लागि सरकारयाके प्रस्ताव यके त्यःगु दु ।
थौं छगु महानगरपालिका पत्रकार सम्मेलन यासे प्रवक्ता इश्वरमान डंगोलं थ थे धयादीगु खः ।
उपत्यका विकास प्राधिकरणका प्रमुख आयुक्त डा. भाइकाजी तिवारीें वःगु वालय् महानगरपालिकायात छगु पौं च्वया महानगरपालिकां नकतिनि हे पारित जुगु भवन निर्माण सम्बन्धी न्हुगु मापदण्ड प्राधिकरणं निर्धारण याःगु स्वया मापदण्ड फरक जुगु धयादीसे वयात भिंके माःगु व अन्यथा महानगरयात हे कारवाही जुइगु खँ न्ह्यथनादीगु खः ।
उगु पत्रकार सम्मेलनय् प्रवक्ता डंगोलं देशय् संघीय व्यवस्था लागू जुइ धुकुगु व सिंहदरवारया अधिकार छेँय् छेँय् थ्यकिगु अवधारणा वये धुकुगु अवस्थाय् स्थानीय थासय् या
विकास स्थानीय सरकारं याइगु जुगुनि आः उपत्यका प्राधिकरण थें जाःगु संस्थाया आवश्यकता मजुगु धइगु न बिचाः तयादीगु खः । वयकलं ‘आः स्थानीय जनताया ज्या स्थानीय सरकार हे याइगु खः, प्राधिकरणं मखु धयादील ।’ स्थानीय सरकारयात हे कारवाही यायेगु धइगु अधिकार प्राधिकरण याके मदुगु दावी न वयकलं यानादीगु खः ।
हाल प्राधिकरणं मापदण्ड विपरित दयेकुगु ५०–६० छेँय् कारवाही याःगु सन्दर्भय् प्रवक्ता डंगोलं न्ह्यसः तयादीगु खः, ‘आ महानगर दुने दयेकुगु ८० प्रतिशत छेँ मापदण्ड विपरित दु । प्राधिकरण थ्व दक्को कारवाही मयासें छाये ५०–६० छेँ जक ज्या याःगु ? महानगरय् दुगु अव्यवस्थाय् जिम्मा प्राधिकरणं काइ कि मकाइगु ? जिमिसं प्राधिकरणं आःतक थ्व भद्रगोल भिंकेत थ्व मापदण्ड संशोधन यानागु खँ कनादीगु खः ।’
प्रवक्ता डंगोल महानगरपालिकां दयेकुगु थ्व मापदण्डय् गनं समस्या दुसा क्यनादीत न इनाप यानादील ।
स्थानीय जनताया समस्यायात समाधान यायेत थ्व मापदण्ड संशोधन यानागु धयादीसें थुकियात समाधान यायेत विज्ञपिनिगु राय सल्लाह कया हे न्हुगु मापदण्ड थःपि न्ह्याः वनगु खँ कनादील ।
