नेपाली कांग्रेसया वरिष्ठ नेता रामचन्द्र पौडेल समूहया नेतापि छलफलय् जुटे जुगु दु।

वइगु महाधिवेशनय् सभापति नाप पदाधिकारीया उम्मेदवार ल्ययेगु निति पौडेल समूहया बैठकय् नेतापि छलफलय् जुटे जुगु खः। पौडेल समूहया सभापति जुइपिनिगु बैठक आः बत्तिसपुतलीस्थित अनुपम फुडल्याण्डय् जुया च्वंगु दु।

वडा अधिवेशन न्ह्यने सभापतिया उम्मेदवार ल्ययेगु निति पौडेल समूहया नेतापिनिगु निरन्तर छलफल जुयाच्वंगु दु। पौडेल समूहय् प्यम्ह सभापतिया आकांक्षीपि दु।

वरिष्ठ नेता पौडेल, महामन्त्री डा. शशांक कोइराला, पूर्वमहामन्त्री प्रकाशमान सिंह व केन्द्रीय सदस्य डा. शेखर कोइराला सभापतिया आकांक्षी याना च्वंगु दु। प्यम्ह हे आकांक्षीपिन्स थः हे बल्लाम्ह उम्मेदवारया रुपय् न्ह्य ब्बयाच्वंगु दु।

Categorized in राजनीति