एकादशी ब्रत
तेजकृष्ण श्रेष्ठ
थौं एकादशी,किसंमाया तताजुया लःहे मत्वंसें ब्रत च्वनेगु दिं।
सुथ न्हापं दना मोल्हुया पशुपती वन। देगःया जःखः झ्वःलिक स्वाँ मिया च्वंपिं यक्व हे दु।
वेलपत्र दुगु स्वाँ छभाग ज्वना गुलि धका न्येन, न्येतका धाल।
तताजुं सच्छी वंगु ध्येवा बिल।स्वाँ न्यावःपिं हूलमूल जूगुलिं इतःमितःकना स्वाँ मिया च्वंम्ह मनूं गुसः व न्येतका लित बिल।
गुसः ध्येवा पुलावःगुलिं मुसुमुसु काकं महाद्यो पूजायाना छें लिहां वल। लः हे मत्वंसें अप्सं च्वनानं न्हिछींहे तताजुया ख्वाः तस्कं चकं थौं।
चिखिम्हिचाय् च्वंगु गुसः ध्येवा लुमंकु लुमंकुं म्हुतुं माहाद्योया भजन गुनगुनय् याना बहःनिं कःसी मत बिया ब्रत क्वचायेकल।
