एकिकृत समाजवादीया न्हापांगु मुँज्या च्वनाच्वन
ञलाथ्व प्रतिपदा ११४१, असोज ५ मंगलबाः
न्हू गठन जूगु नेपाल कम्युनिस्ट पार्टी (एकीकृत समाजवादी) या केन्द्रीय कमिटी मुँज्या पार्टी ज्याकू बुद्धनगरय् न्ह्याःगु दु ।
लच्छि न्ह्यः नेकपा एमालेपाखें नेता माधवकुमार नेपालया नेतृत्वय् ब्वथःगु पुचःलं स्थापना याःगु उगु पार्टीया केन्द्रीय कमिटीया न्हापांगु मुँज्या च्वनेत्यंगु खः । कन्हय् तक्क न्ह्याइगु मुँज्याय् समसामयिक राजनीतिक विषयवस्तु व देय्यंक संगठन विस्तार यायेगु खँय् सहलह जुइत्यंगु दु ।
मुँज्याय् पार्टीया थी थी विभाग, जनवर्गीय सङ्गठन, आयोग गठन, विस्तार लिसें सुदृढीकरणया विषयलय् सहलह जुइगु धाःगु दु । मुँज्यां छुं नेताया विभाग थुखेउखे यायेगु व छुं नेतायात न्हूगु जिम्मेवारी क्वजिइगु न्ह्यथंगु दु ।
मुँज्याय् सच्छि व १३म्ह केन्द्रीय दुजः दुथ्यायेत्यंगु दु् ।
Categorized in राजनीति
