एचआइभी संक्रमण बिषयलय सहलह
नृपेन्द्रलाल श्रेष्ठ | दिल्लागा दशमी ११३८ ( अगष्ट ६ २०१८ )
वीर अस्पतालया एम.आर.टी. सेन्टरपाखें उगु अस्पतालया स्वास्थ्यकःमिपिं दथुइ छगू सहलह ज्याझ्वः याःगु दु ।
स्टेप नेपाल व स्पर्श नेपालया सहजकर्तापिं पाखें न्ह्याकूगु उगु ज्याझ्वलय् अस्पतालया स्वास्थ्यकःमिपिं ३५ म्हया ल्याखय् उपस्थिति दुगु खः ।
समाजय् न्यनाच्वंगु एचआइभी संक्रमणया वासः नेपालय् सन् २००४ निसें न्ह्याय्धुंकूगु खःसा थुकिं यानाः संक्रमितपिं एड्सया अवस्थातक मथ्यंगु दुसा छम्ह स्वस्थम्ह जुयाः समाजय् म्वाय् फयाच्वंगु दु ।
एचआइभी संक्रमितपिनिगु उपचार सरकारं सितिकं यानाच्वंगु दु । वासः याय्गु झ्वलय् थीथी स्वास्थ्य संस्थापाखें जुइगु हेय्या दृष्टि अले थीथी द्वपं व भेदभाव म्हो याय्गु आज्जु तयाः उगु ज्याझ्वः याःगु खः ।
ज्याझ्वलय् थीथी द्वपं व भेदभावपाखें जुइगु लिच्वःयात कयाः दुग्यंक सलहल जूगु खः ।
Categorized in राष्ट्रिय