एपिएफयात निगू कासाः न्ह्यः हे उपाधि पक्का
सिल्लाथ्व षष्ठी ११४१, फागुन ५ बुधवाः
राष्ट्रिय महिला लिग फुटबलया उपाधि सशस्त्र प्रहरीया (एपिएफ) क्लबं त्याकूगु दु । एपीएफं निगू कासा ल्यंदनिबलय् हे उपाधि त्याकुगु खः ।
सातदोबाटोया एन्फा ख्यःलय थौं जूगु कासाय् त्रिभुवन आर्मी व नेपाल पुलिस क्लबं १–१ गोलया ज्वलिंज्वः म्हितुबले एपीएफं उपाधि त्याकेत ताःलाःगु खः ।
आर्मीं पुलिसयात बुकूगु जूसा एपीएफं मेगु कासाः या नतिजा पियाच्वनेमालिगु खः तर आर्मीं ज्वलिंज्वल यायेवं एपीएफं थःगु निगू कासाः न्ह्यः हे उपाधि पक्का याःगु खः ।
