एभरेष्ट प्रिमियर लिगया त्याकुमियात ५०गू लखःया सिरपा
गुंलागा दशमी ११४१, भाद्र १६ बुधबाः
४गूगु संस्करणया एभरेष्ट प्रिमियर लिग (ईपीएल) टी–ट्वान्टी क्रिकेट धेंधेंबल्लाया त्याकुमिं वंगु संस्करणया सिवें निदुगं सिरपाः ध्यबा चूलाकिगु जूगु दु ।
ईपीएल ग्वसाःखलःया कथं थुगु संस्करणया ईपीएल त्याकामि टोलीं ५०गू लख ध्यबा चूलाकिइ । अथेहे ल्यु त्याकामिं १५गू लख ध्यबा चूलाकिगु ग्वसाःखलंः न्ह्यथंगु दु । थ्व लिसें ईपीएल नेपालय् दक्वःलय् अप्वः सिरपाः राशीया पÞm्रेन्चाइज क्रिकेट नं जूगु दु ।
थ्वयान्ह्यःया संस्करणया त्याकुमिं २५गू लख व ल्यु त्याकुमिं १०गू लख तका चूलाकुगु खः । वंगु संस्करण उपाधि ललितपुरं चूलाकुबलय् भैरहवा ल्यु त्याकामि जूगु खः ।
४गूगु संस्करणया ईपीएल असोज ९ गते निसें असोज २३ गते तक्क टियु क्रिकेट मैदानय् जुइत्यंगु दु । धेंधेबल्लायात अन्तर्राष्ट्रिय क्रिकेट परिषद् (आईसीसी) व नेपाल क्रिकेट संघ (क्यानं) मान्यता बिइधुंकुगु दु ।
धेंधेंबल्लाय् ६ गू शहरया फ्रेन्चाइज टिमं ब्वति न्ह्यथनेत्यंगु दु । साविक त्याकामि ललितपुर प्याट्रीयट्सलिसें काठमाडौं किङ्स इलाभेन, पोखरा राइनोज, चितवन टाइगर्स, भैरहवा ग्ल्याडियटर्स व विराटनगर वारियर्सं धेंधेंबल्लाय् ब्वति कायेत्यंगु दु ।
Categorized in कासा
