२०८० चैत्र १६, शुक्रबार

एमालेया केन्द्रीय बैठकय् १४ गु एजेण्डा तय

लहनान्युज | थिंला पंचमी ११४२, मंसीर २२ बुधवाः

नेकपा एमालेया शनिबाः शुरु जुइगु केन्द्रीय कमिटी बैठकया लागि १४ गु एजेण्डा तय जुगु दु।

ख्वपय् गठ्ठाघरय् च्वंगु स्थायी कमिटी व पोलिटब्यूरो गठन, केन्द्रीय सदस्य मनोनयन निसे नेतापिनिगु वरियताक्रम निर्धारण तक याइ।

केन्द्रीय कार्यालय सचिव शेरबहादुर तामाङया कथं, ल्यः दुगु केन्द्रीय सदस्यपिनिगु शपथ, महाधिवेशनया समीक्षा, केन्द्रीय सल्लाहकार परिषद् गठन, केन्द्रीय सदस्यपिनिगु कार्यविभाजन, प्रदेशय् खाली दुगु पदाधिकारी मनोनयन केन्द्रीय कमिटी बैठकं याइ।

अथेहे, जिल्ला व प्रदेश अधिवेशन, विधान सम्पादन व नियमावली संशोधन, बैठक सञ्चालन कार्यविधि व केन्द्रीय कार्यालय व्यवस्थापनबारे छलफल जुइ। बैठकं महाधिवेशनया सन्देश व पार्टी प्रवेश अभियानबारे समीक्षा व जनसंगठन सुदृढिकरण अभियानबारे समेत निर्णय याइ धका तामाङं धाउगु दु।

बैठक निन्हु तक न्ह्याइ। चितवनय् सम्पन्न १० क्वःगु महाधिवेशनपाखे ल्यःगु केन्द्रीय कमिटीया न्हापागु बैठक १४ मंसिरय् च्वंगु खः।

Categorized in राजनीति