२०८० चैत्र १६, शुक्रबार

एमालेया निगूगु पुस्ताया नेतात पार्टी एकताया पहलय्

गुंलाथ्व त्रयोदशी ११४१, भाद्र ४ शुक्रवाः

पार्टी विभाजन विरुद्ध दंपिं नेकपा एमालेया ९ नेतां एकताया लागिं अझं थःपिं क्रियाशील दुगु धाःगु दु ।
 
उमिसं म्हिगः बहनी मंकाः विज्ञप्ति जारी यासें दल विभाजनसम्वन्धी अध्यादेश लित कायेमाःगु अले नायः ओलीं १४म्हेसित याःगु कारवाही रद्द यायेमाःगु माग न्ह्यःने हःगु खः ।
 
विज्ञप्तिइ पार्टीयात विभाजित व तहसनहस जुइगुलिं बचे यायेत पार्टी नायःपाखें १० बुँदे सहमतिया तत्काल कार्यान्वयनया लागिं इनाप याःगु दु । उपिं नेतातय्सं थःपिन्त एमालेया पदाधिकारीया रुपं न्ह्यब्वःगु दु ।
 
थौंकन्हय् तिनि बाग्मती प्रदेशया मुख्यमन्त्रीइ नियुक्त जूम्ह नेतृ अष्टलक्ष्मी शाक्यं नं एमाले न्वकूया हैसियतं विज्ञप्तिइ ल्हाःचिं तयादीगु दु ।
 
ल्हाःचिं तःपिं मेपिं नेताय् न्वकूद्वय युवराज ज्ञवाली व भिम रावल, ल्यू मू छ्यान्जे घनश्याम भुषाल, छ्यान्जेत्रय भीम आचार्य, गोकर्ण विष्ट व योगेश भट्टराई, स्थायी कमिटी दुजःपिं सुरेन्द्र पाण्डे व रघुजी पन्त दु ।
Categorized in राजनीति