एम्बुलेन्सय् मनू ह्यःगुलि निम्हेसित कारबाही यात
लहनान्युज | बछलागा चतुर्थी ११४०, बेसाख २९ सोमवाः
बाराया विश्रामपुर गाउँपालिकाय् एम्बुलेन्सय् मनू ह्यःगुलि निम्हेसित कारबाही याःगु दु ।
एम्बुलेन्स चालक बाराया बिश्रामपुर गाँउपालिका २ च्वम्ह २४ दँया राजन पटेल व वडा नं.३ याम्ह २७ दँ याम्ह अनिल पटेल कारबाही याःगु दु ।
करोना संक्रमण नियन्त्रण व रोकथामया लागि देय् यकं लकडाउन जुयाच्वंगु इलय् एम्बुलेन्सय् तया मनूत ल्ह्ययेगु याना च्वंगुलि इपि निम्हसित सशस्त्र प्रहरीं नियन्त्रणय् काःगु खः ।
भारतीय मनू तयेत एम्बुलेन्सय् तया नेपाः दुत हया च्वंगु इलय् बोर्डर आउटपोष्ट बरैनियाया टोलीं इमित ज्वःगु खः ।
भारतया पटना च्वपिन्त येँ च्वम्ह ४५ दँयाम्ह अमृत कुमारं इमित बारा विश्रामपुर गाउँपालिका ३ य् मुसर्वा नाकापाखे नेपाः दुत हयेत्यःगु खः । एम्बुलेन्स नियन्त्रणय् कया सशस्त्र प्रहरीं प्रहरी चौकी बलिरामपुरय् जिम्मा बिःगु खः ।