एशियन अल्पाईन चिल्ड्रेन कासापिन्त बिदाइ
नृपेन्द्रलाल श्रेष्ठ | चिल्लाथ्व सप्तमी ११३९ (मार्च १३ २०१९)
नेपाल ओलम्पिक कमिटी, नेपाल स्की संघया अध्यक्ष नाप प्रतिनिधि सभा सदस्य जीवनराम श्रेष्ठं कोरियाय् जुइ त्यःगु २८ क्वःगु एशियन अल्पाईन चिल्ड्रेन कासाय् ब्बति कायेत कासमि नाप कोचपिन्त विदाइ याःगु दु ।
कोरियन स्की संघया ग्वसालय् २०१९ मार्च १६ व १७ य् एशियन अल्पाईन चिल्ड्रेन कासाय् कोरियाय् अल्पेनसिया स्की रिसोर्ट, अन्पेनसिया, गान्गुन प्रोभिन्स थासय् जुइ त्यःगु खः ।
उगु कासाय् ब्बति कायेगु लागि दिनेश कुमार बोहरा, उमङ्ग रन्जित, लक्ष्मी राई, पलिशा बज्रचार्य नाप कोच व टिम म्यानेजर प्रविन कर्माचार्यपिन्त बिदाइ बिगु खः ।
अध्यक्ष श्रेष्ठं कासामि पिन्त शान्ति, धैयं म्हितेत नाप मौकाया सदुपयोग सही ढंग यायेत सुझाव न बियादीगु खः ।
विदाई ज्याझ्वलय् नेपाल स्की संघया महासचिव विजय श्रेष्ठ, कोषध्यक्ष जितेन्द्र श्रेष्ठ, सचिव बसन्त राज कार्की नाप सदस्यपिं अर्जुन महर्जन व शान्त माया परियारया न उपस्थिती दुगु खः।
