२०८० चैत्र १५, बिहिबार

एसईई परीक्षाय् ताःलापिन्त हना ज्याझ्वः

नृपेन्द्रलाल श्रेष्ठ | गुंलागा षष्ठी ११३८ (सेप्तेम्वर १ २०१८ )

नेपाल कम्युनिष्ट पार्टी (नेकपा) येँ महानगरपालिका वडा नंबर १६ या वडा कमिटीया ग्वसालय् थौं २०७४ सालय् एसईई परीक्षाय् ताःलापिन्त हना ज्याझ्वः नयाँबजार मल्टीभेन्युय् जुगु दु ।
 
 
उगु ज्याझ्वलय् मूपाँहा नेपाल कम्युनिष्ट पाटी (नेकपा)या बरिष्ठ नेता नारायणकाजी श्रेष्ठं सच्छिं मल्याक एसईई परीक्षाय् ताःलापिन्त हनादीगु खः । 
 
 
उगु ज्याझ्वलय् प्रतिनिधिया सांसद राधा ज्ञवाली, राष्ट्रिय सभाया सांसद उदया शर्मा, येँं क्षेत्र नंबर ७ या प्रदेशसभाया सांसद बसन्त मानन्धर नाप येँ महानगरपालिकाया मेयर बिद्यासुन्दर शाक्य पाँहा कथं झायादीगु खः ।
 
 
१६ नंबर वडा कमिटीया नायः लक्ष्मण गमालया सभाधक्ष्यताय् जुगु उगु ज्याझ्वलय् राजेन्द्र भण्दारीं न्ह्याकादीगु खः ।
 
 
 
 
 
Categorized in राष्ट्रिय