२०८० चैत्र १६, शुक्रबार

एसीसी यू–१९ एसिया कप क्रिकेटय् नेपालया बांमलाःगु सुरुवात

थिंलागा षष्ठी ११४२, पुष १० सनिवाः

एसीसी यू–१९ एसिया कप क्रिकेटया न्हापांगु कासाय् नेपाल बूगु दु । युएईस म्हिगः जूगु कासाय् नेपाल टेस्ट राष्ट्र बंगलादेश लिसे सच्छि व ५४ रनया तब्यागु अन्तरं बूगु खः ।

सारजाह क्रिकेट मैदानय् बंगलादेशं ब्यूगु २सः व ९८ रनया आज्जुलिसें ब्याटिङ याःगु नेपालं ४२ ओभर ३ बलय् अलआउट जुयाः सच्छि व ४३ रन जक दयेकेफत । नेपालया लागिं गुलशन झां दक्कले अप्वः ३५ रन दयेकल ।

विवेक यादव २६ रनय् आउट जुल । अथे हे, विवेक मगरं ३३ रन दयेकूबलय् अर्जुन साउदं १५ रन दयेकल । कप्तान देव खनाल १२ रनय् आउट जूबलय् बसिर अहमेद ८, अर्जुन कुमाल ५ व सन्तोष कार्की ३ रनय् आउट जुल ।

बंगलादेशया तान्जिम हसन शकिब, राकिबुल हसन, मेहेरुब व नईमुर रोहमानं २÷२  विकेट काल । थ्वयां न्ह्यः टस त्याकाः न्हापां ब्याटिङ याःगु बंगलादेशं ५० ओभरय् ४ विकेट तंकाः २सः व ९७ रन दयेकल ।

बंगलादेशया लागिं प्रान्तिक नबिलं अविजित सच्छि व २७ रनया शतकीय इनिङ्स म्हितल । रिटायर्ड हर्टया मोहमद फाहिमं ५८ रनया अर्धशतकीय इनिङ्स म्हितूबलय् एच मोल्लहं २२ रन दयेकल ।

नेपालया गुलशन झा, तिलक राज भण्डारी व मोहमद आदील आलमं १÷१ विकेट काल । पुचः बी दुने लाःगु नेपालं निगूगु कासा श्रीलंकाविरुद्ध आइतबाः म्हिती ।

Categorized in कासा