ओलम्पिकया १०गूगु दिं २२गू लुँया तक्माया नितिं कासा
दिल्लागा नवमी ११४१, साउन १८ मंगलबाः
टोकियो ओलम्पिकया झिन्हुया दिं थौं थीथी ९गू कासाया २२गू लुँया तक्माया नितिं धेंधेंबल्ला जुयाच्वंगु दु ।
थौं एथ्लेटिक्सकय् दकले उप्वः ५गू लुँया तक्मा क्वःजीत्यंगु दु । तक्मा धलखय् आःतक २४गू लुँया तक्मा त्याकाः चीन दकले न्ह्यःनय् दु । निगूगु थासय् अमेरिका दु । अमेरिकां २०गू लुँया तक्मा त्याकूगु दु ।
१७गू लुँया तक्मा त्याकूगु ग्वसाःखलः जापान स्वंगूगु थासय् दुसा प्यंगूगु थासय् अष्ट्रेलिया दु । अष्ट्रेलियां आःतक १४गू लुँया तक्मा त्याकेधुंकूगु दु ।
१२गू लुँया तक्मालिसे रुसी ओलम्पिक कमिटी न्यागूगु थासय् दुबलय् खुगूगु थाय्या बेलायतं आःतक १०गू लुँया तक्मा त्याकूगु दु ।
टोकियो ओलम्पिकय् आःतक ५३गू देशं लुँया तक्मा त्याकूगु दुसा ७६गू देशं तक्मा त्याकूपिनिगु धलखय् थःपिनिगु नां दुथ्याकूगु दु ।
Categorized in कासा