ओलम्पिकय् थौं २५गू लुँया तक्माया धेँधेँबल्ला
दिल्लागा अष्टमी ११४१,साउन १७ सोमवाः
टोकियो ओलम्पिकया ९न्हुगु दिनय् थौं ११ कासाय् २५ लुँया तक्माया लागिं धेंधें बल्लाः ज्ुयाच्वंगु दु ।
थौं स्वीमिङय् ५ लुँया तक्माया नितिं धेंधें बल्लाः जुयाच्वंगु दुसा एथ्लेटिक्स व जिम्न्याष्टिकया ४÷४ लुँया तक्मा क्वःजीत्यंगु दु । टोकियो ओलम्पिकया ९न्हुगु दिनय् आःतक्कया तक्मा धलखय् २१ लुँया तक्मालिसें चीन शिर्ष थासय् दु् ।
निगूगु थासय् अमेरिकां १८ लुँया तक्मा त्याकूबलय् १७ लुँया तक्मा त्याकूगु ग्वसाः खलः जापान स्वंगूगु थासय् दु । प्यंगूगु थाय्या अष्ट्रेलियां १२ लुँया तक्मा त्याकूगु दु ।
११ लुँया तक्मा ल्हातय् लाकूगु रुसी ओलम्पिक कमिटि न्यागूगु थासय् दुसा ९ लुँया तक्मालिसें बेलायत खुगूगु थासय् दु । टोकियोय् आःतक्क मुक्कं ४९ देशं लुँया तक्मालिसें ७६ देशं तक्मा धलखय् नां च्वकूगु दु ।
Categorized in कासा
