२०८० चैत्र १६, शुक्रबार

ओलीया प्रस्तावय् अधिकारीक विचाः क्वःछीत खनाल–नेपाल पुचया थौं सहलह

बछलागा एकादशी ११४१, जेष्ठ २४ सोमबाः

नेकपा एमालेया झलनाथ खनाल व माधवकुमार नेपाल पक्षया स्थायी कमिटीया मुँज्या थौं च्वनेत्यंगु दु ।
 
प्रधानमन्त्री व एमालेया नायः केपी शर्मा ओलीं सर्त न्ह्यब्वःसें पार्टी एकताया नितिं आह्वान यायेवं खनाल नेपाल पुचःया मुँज्या जुइत्यंगु खः ।
 
नायः ओलीं २०७५ जेठ ३ अथेधइगु एकता स्वयां न्ह्यःया अवस्थाय् लिहाँवने चाहे यानागु आसयनापया प्रस्ताव यानादीगु दु ।
 
अथेजुयाः एकीकृत धारणा दयेकेत खनाल–नेपाल पुचलं थौं स्थायी कमिटीया मुँज्याय् सहलह यायेत्यंगु दु । मुँज्या च्वनाः थौं हे मंका धारणा सार्वजनिक याइगु धागु दु ।
 
ओलीया प्रस्तावप्रति खनाल–नेपाल पुचलय् विस्कं विस्कं मत वःगु दु । नायः ओलीया एकताया आह्वानप्रति पार्टीया नेतातय्गु थःथःगु कथंया विचाः तःगु दु ।
Categorized in राजनीति