कताय् निर्वासनय् दूम्ह तालिवानका शिर्ष नेता अफ्गानिस्तान लिहाँवल
गुंलाथ्व एकादशी ११४१, भाद्र २ गते बुधबाः
कतारय् निर्वासनय् दूम्ह तालिवानया शिर्ष नेता मुल्लाह अब्दुल घानी बरादर अफ्गानिस्तान लिहाँवःगु दु ।
वयेक तालिवान पुचःया सह–संस्थापक खः । कतारय् दीम्ह वयेकलं तालिवानया पाखें अन्तराष्ट्रिय समुदायलिसे मदिक्क वार्ता याःगु खः । अमेरिकी व मेपिं विदेशी सेना अफ्गानिस्तानं लितछ्वयेत जूगु वार्ताया नेतृत्व वयेकलं हे यानादीगु खः ।
कतारया हमाम अन्तराष्ट्रिय विमानस्थलं ब्वःम्ह बरादर अफ्गानिस्तानया कान्दाहार विमानस्थलय् अवतरण याःबलय् द्वलंंद्वःम्ह जनतां वयेकया लसकुस याःगु खः । बरादर २० दँ लिपा अफ्गानिस्तान लिहाँवःगु खः ।
११दँ न्ह्यः वयेकयात अफ्गानिस्तानलिसेया सिमा लिक्कसं दूगु पाकिस्तानी गाँमय् पाकिस्तानी सेनां ज्वंगु खः । सन् २००१ तक्क अफ्गानिस्तनय् तालिवानं शासन याःबलय् मुल्लाह बरादर सरकारया महत्वपूर्ण दुजः जुयादीगु खः ।
Categorized in अन्तर्राष्ट्रिय
