कतारं काबुल विमानस्थलया भाला थथें मकाइगु
ञंलाथ्व अष्टमी ११४१, भाद्र २९ मंगलवाः
कतारं अफगानिस्तानया काबुल विमानस्थलया भालाः थथे मकाइगु जूगु दु ।
तालिबानलगायत दक्व पक्षपिंलिसे सम्झौता मजुइकं काबुल एयरपोर्टया जिम्मेवारी मकायेगु कतारं धाःगु दु ।
कतारया विदेश मन्त्री शेख मोहम्मद बिन अब्दुल रहमान अल थानीं थौं छगू पत्रकार सम्मेलन यासें दक्व ज्या प्रष्टता व सुनिश्चितता बिना विमानस्थलया न्ह्याकेगु बारे भाला मकायेगु घोषणा याःगु खः ।
कतारया विदेशमन्त्री थानी अफगानिस्तानया स्वनिगः काबुल थ्यंगु खः । वय्कलंं अफगानिस्तानया न्हूगु प्रधानमन्त्री मुल्ला मोहम्मद हसन अखुंदलिसे नापालानादिगु खः ।
थ्वहे दथुई मिसा ब्वंमिपिनिगु लागि तालिबानं न्हूगु व कडा ड्रेस कोडविरुद्ध अफगान मिसापिन्सं न्हूगु अभियान न्ह्याकूगु दु । उपिन्सं थ्व अभियानया लागि डु नट टच माई क्लोथ व अफगानिस्तान कल्चर ह्यासट्याग अभियान न्ह्याकूगु दु ।
