कतार विश्वकप नोभेम्बर २१ निसे डिसेम्बर १८ जुइगु
लहनान्युज | दिल्लागा एकादशी ११४०,श्रावण १ बिहीवाः
सन् २०२२ य् कतारय् जुइगु विश्वकपया तिथि सार्वजनिक याःगु दु । उगु कासा नोभेम्बर २१ निसे सुरु जुया डिसेम्बर १८ य् क्वचाइ ।
थ्व स्वया न्ह्यःया कासा जुन व जुलाईपाखे जुया वया च्वंगु खःसा न्हापागु पटक नोभेम्बरय् जुइ त्यःगु खः । अन तसक तांन्वइगुलि २०२२ या विश्वकप नोभेम्बरय् याये त्यःगु खः ।
कासाया समूह चरणय् प्यंगु कासा जुइ त्यःगु खः । कासाया फाइनलय् ८० द्धः दर्शक क्षमता दुगु लुसेल रंगशालाय् १८ डिसेम्बरय् स्थानीय ई कथ बहनि ६ ताः इलय् सुरु जुइ ।
कासाया उलेज्या अल बायत स्टेडियमय् जुइ । विश्वकपया इलय् समूह चरणया कासा प्यंगु फरक इलय् सुरु जुइ त्यःगु खः । उकि मध्ये स्थानीय ई कथं न्हिनय् छताः इलय्,प्यता इलय्, न्ह्यय् ताः इलय् व दकलय् लिपागु कासा झीता इलय् जुइ त्यगु खः । अथेहे नकआउट चरणया कासा बहनि खुता इलय् व झीता इलय् जुइ त्यःगु खः ।
कतारया खलिफा रंगशालाय् प्लेअफ व लियाल्यु थासय् या लागिु कासा जुइ । विश्वकपया न्हापागु पटक छगू कासा म्हितेगु लागि छगू थासं मेथाय् वने हवाई जहाज छ्यले मालि मखु ।
