कन्हय् नेपालं त्याके हे माः
हङकङय् न्हयानाच्वंगु एसियाली लागाया विश्वकप मिसा ल्यज्या क्रिकेटया ४गूगु कासाय् नेपालं बिहीबाः ग्वसाः खलः देय् हङकङलिसे म्हितेत्यंगु दु । 
 
न्हापांगु कासाय् हङकङलिसे बुइधुंकूगु नेपाल आः धाःसा त्याके हे माःगु दबाबय् दु । थुगु कासा बूसा नेपाःया विश्वकप ल्यज्याया मेगु भ्mलवय् थ्यनीगु संभावना लगभग फुइ ।
 
नेपालं आःतक्क म्हितूगु ३ कासाय् हङकङ व थाइल्याण्डलिसे बुइधुंकूगु दुसा चीनलिसे जक त्याःगु दु । 
 
हङकङविरुद्धया कासा बिहीबाः नेपाली ईकथं सुथय् जःछि पाः १२ताः इलय् न्ह्याइ । 
 
एसियाली लागाया प्यंगू टोलीं थवंथवय् निगू निगू कासा म्हितेमाः । नेपालं छगू कासा त्याकूबलय् थाइल्याण्डं स्वंगुलिं कासा त्याकूगु दसा हङकङं निगू कासा त्याकूगु दु ।
Categorized in कासा