संसदय् दर्ता जूगु मिडिया काउन्सिल सम्बन्धि विधेयकया विरोधय् कुहांवःगु नेपाल पत्रकार महासंघं कन्हय् संसद् भवन पिने व जिल्ला सदरमुकामय् ब्वज्या याइगु जूगु दु ।

 

 

न्हापांगु चरणया आन्दोलनया लिपांगु दिं कन्हय् न्हिनय् १२ताः इलय् येँया संसद भवन पिने व जिल्ला जिल्लाया सदरमुकामय् सञ्चारया ज्वलंलिसें ब्वज्या याइगु महासंघया मूछ्याञ्जे रमेश विष्टं ल्हाःचिं तयाः पिथंगु विज्ञप्तीइ न्ह्यथनातःगु दु । विधेयकलिसेंया कानूनय् दुगु छुं छुं प्रावधानं स्वतन्त्र प्रेसया अभ्यासयात नियन्त्रण याइगु ठहर महासंघया दु ।

 

 

न्हापांगु चरणया आन्दोलन न्ह्याःगु छवाःतक नं सम्बन्धित पक्षं मागया मन्यंगुलिं महासंघं थप आन्दोलन यायेमाःगु परिस्थिति ब्वलंगु नं विज्ञप्तिइ न्ह्यथनातःगु दु ।

 

 

महासंघं प्रेसलिसें स्वतन्त्रता विरोधी कानून संशोधन वा लित कयाः वइगु दिनस सरोकारवाला पक्षलिसे सहलह व सहमति यानाः जक कानून दयेकेत माग याःगु दु ।