कन्हे पिथनीगु जुल “छगु ल्यूल्यू”
लहनान्युज | ञंलाथ्व तृतीया ११४४, भाद्र २१ शुक्रवाः
छंगु ल्यूल्यू वयाः फुइन बच्छि जोवन
छंथाय् वयला कि मवयला जुल मन दोमन..
लोकंह्वाःम्ह म्येहालामि अमर चित्रकार व सरीता महर्जनया सलय् “छंगु ल्यूल्यू” म्ये–भिडियो कन्हे शनिवाः सार्वजनिक याइगु जूगु दु ।
ख्यालि जुजु मदनकृष्ण श्रेष्ठया मूपाहांसुइ, लोकगायक रत्न बेहोशी बज्राचार्यया विशेष पाहांसुइ व ललितपुर महानगरपालिका १६ अध्यक्ष निर्मलरत्न शाक्यया पाहांसुइ सिडिसी सिनेमा, सिटिसी मल, सुन्धाराय् सुथय् १०ः३० बजे म्ये–भिडियो पिथना ज्याझ्वःया ग्वसाः ग्वयागु म्येहालामि चित्रकारं कनादीगु दु ।
भूपेन्द्र बज्राचार्यं संगीत तयादीगु थुगु ज्वःम्येया रेकर्डिङ फिरोज बज्राचार्यं यानादीगु खःसा थुगु रेकर्डिङ ज्योति म्यूजिकय् जूगु खः ।
रवि सायमिं निर्देशन व कृष्णभक्त महर्जनं कोरियोग्राफी, अमर चित्रकारं छायाँकन, सम्पादन व रंग संयोजन नं यानादीगु थुगु म्येया भिडियोय् मनोज महर्जन, नेरिसा महर्जन, कृष्णभक्त महर्जन, निश्चल भुजेल, सुब्रिना चित्रकार लगायत कलाकारपिन्सं अभिनय यानादीगु दु ।
म्ये–भिडियोय् समा सनमकुमार श्रेष्ठ व विमला सापकोटां यानादीगु खःसा थुकिया पोष्ट प्रोडक्सनया भाला सुभाष काफ्लें पूवंकादीगु खः ।
