सर्वोच्च अदालतया न्यायाधीशपिन्स कन्ह्यः मंगलबाः न बन्दी प्रत्यक्षीकरणया मुद्दाया जक सुनुवाइ याइगु जुगु दु।

असन्तुष्ट न्यायाधीशपिनिगु छलफलपाखे बन्दी प्रत्यक्षीकरणया निवेदनपिनिगु जक पेशी तोके यायेत प्रधानन्यायाधीश चोलेन्द्रशम्शेर जबरायात सन्देश छ्वंगु दु।

उमिसं बन्दी प्रत्यक्षीकरण बाहेकया निवेदनपिनिगु पेशी तोकेयासा इजलासय् ब्बति मकायेगु चेतावनी बिउगु खः। अथेहे थःपि प्रधानन्यायाधीश जबरायात न इजलासय् मच्वनेत सन्देश छ्वंगु दु।

थौं सोमबाः न न्यायाधीशपिन्स बन्दी प्रत्यक्षीकरण मुद्दाय् जक सुनुवाइ याउगु खः। प्रधानन्यायाधीश जबरा थः व न्यायाधीश कुमार चुडालया मंकाः इजलास तोके याउगु खः।

तर न्यायाधीश चुडाल प्रधानन्यायाधीश जबराया मंकाः इजलासय् मच्वंगु खः।

Categorized in राष्ट्रिय