कन्ह्य देय् यकंया अदालत बिदा
ञंलागा १४ ११४०,भाद्र ३१ बुधवाः
सर्वोच्च अदालतं पूर्वप्रधानन्यायाधीश अनिरुद्धप्रसाद सिंह मदुगुलि कन्ह्य बिहीवाः छन्हु देय् यकंया अदालत बिदा बिइगु निर्णय याःगु दु ।
सर्वोच्च अदालतं बुधवाः च्वंगु आकस्मिक पूर्ण बैठकं सिंह मदुगुलि दुःख व्यक्त यासे सर्वोच्च अदालत नाप देय् यकं अदालतय् बिहीवाः शोक बिदा बिइगु याःगु दु ।
सिंहया निधनं राष्ट्रं छम्ह सच्चा राष्ट्रप्रेमी व न्यायिक व्यक्तित्व गुमे जुगु उल्लेख यासे आत्माया चीर शान्तिया कामना नाप शोकसन्तप्त परिवारयात समवेदना प्रकट यानागु दु धकासर्वोच्च अदालतया प्रवक्तां जारी याःगु प्रेस विज्ञप्तिइ उल्लेख याःगु खः ।
Categorized in राष्ट्रिय
