कम्यूनिटी शिल्डया उपाधि म्यानचेष्टर सिटीयात
लहना न्यूज | ने.सं. ११३९ गुंलाथ्व पञ्चमि (५ अगष्ट, २०१९), सोमवाः
इंग्लिस प्रिमियर क्लब म्यानचेष्टर सिटीं कम्यूनिटी शिल्डया उपाधि त्याकूगु दु ।
आइतवाः चान्हय् जूगु कासाय् यूरोपियन लिग च्याम्पियन लिभरपुलयात पेनाल्टी सुटआउटय् ४गूया विरुद्ध ५गू गोलं बुकाः उगु उपाधि त्याकूगु खः ।
कासाय् लिभरपुलया गियोर्जिनियो विज्नाल्डम थ्वाःगु पेनाल्टीयात सिटीया गोलकिपर ब्राभ्रों असफल यानाब्यूगु खः ।
थ्व स्वयां न्ह्यः निर्धारित ईया कासा १/१गू गोलया बराबरीइ क्वचाःगु खः ।
सिटीया नितिं रहिम स्टर्लिङं १२गूगु मिनेटय् न्हापांगु गोल याःगु खःसा ७७गूगु मिनेटय् मटिपं लिभरपुलया नितिं बराबरी गोल याःगु खः ।
Categorized in कासा
