२०७७ माघ ८, बिहिबार

कलंकी मालपोतया अधिकृत रिमाललिसें ७म्ह विरुद्ध भ्रष्टाचार मुद्दा दर्ता

लहनान्युज | ने.सं. ११३९ बछलागा अष्टमि (२७ मे, २०१९), सोमबाः

सामुदायिक वनया जग्गा ब्यक्तिया नामय् दर्ता याकाः सरकारयात निगू करोड २१गू लखतका नोक्सान याःगु द्वपनय् कलंकी मालपोत ज्याकूया अधिकृत शिवप्रसाद रिमाललिसें ७ म्ह विरुद्ध विशेष अदालतय् भ्रष्टाचार मुद्दा दर्ता याःगु दु ।
 
 
अख्तियार दुरुपयोग अनुसन्धान आयोगं मालपोत अधिकृत रिमाल, नायव सुब्बा हरिप्रसाद आचार्य व मीनाकुमारी थापा, सुयल हाउजिङ्ग प्रा.लि.या सञ्चालक राजकुमार सुयल थापा, दीपेन्द्रविक्रम शाह, अधिवक्ता बाबुराम शर्मा रेग्मी व योगेन्द्र पोखरेल विरुद्ध भ्रष्टाचार मुद्दा दायर याःगु खः ।
 
 
चन्द्रागिरी नगरपालिकाय् लाःगु पाताल व ठोट्ने खोला व चिसापानी सामुदायिक वनया ९२पी जग्गा मालपोत ज्याकुथिं ब्यक्तिया नामय् दर्ता याःगु व अदालतय् मिलापत्रया नामय् कम्पनीया नामय् नामसारी याःगु अख्तियारं न्ह्यथंगु दु ।
 
 
न्हापां उगु जग्गा सुयल हाउजिङ्गया सञ्चालक राजकुमार सुयल थापाया तता नापं मालपोत ज्याकुथिया नायब सुब्बा मीनाकुमारी थापाया नामय् जग्गाधनी प्रमाणपूर्जा दयेकूगु खः । लिपा उगु जग्गा धनी प्रमाणपूर्जा अदालतय् न्ह्यब्वयाः मिलापत्रया नामय् मालपोत ज्याकुथिया कर्मचारीयात अनुचित प्रभावय् लाकाः कम्पनीया नामय् दर्ता याःगु अख्तियारीया धापू खः ।
 
 
उगु जग्गा कम्पनीया नामय् दर्ता याःगु इलय् सरकारयात २गू करोड २१गू लखतका घाटा जूगु अख्तियारया दावी दु ।
Categorized in अपराध