कलाकार आर्यम नकःमिया मां मन्त
लहनान्युज | बछलाथ्व षष्ठी ११३८ (अप्रिल २१ २०१८)
नेपालभाषाया नां जाम्ह संकिपा निर्देशक, नाप कलाकार आर्यम नकःमिया मां म्हिगः सनिलय् ६ ताः इलय् मन्त । कलाकार नकःमिया मां राममाया नकःमि ८६ दँयाम्ह खः ।
मदुम्ह राममाया नकःमिया जहान, निम्ह काय् व छम्ह म्याय् दु । चिनि ल्वचं कयाच्वम्ह नकःमि निला न्ह्यःनिसे उसाँय् मदया च्वंगु खः।
थौं मदुम्ह नकर्मिया अन्तिम संस्कारया लागिे शोभा भगवतीया कर्णदीपय् याये त्यःगु दु ।
अन्त्यष्तिया लागि आपालं कलाकार पिनिगु उपस्थिति जुयान्वंगु दु । ११ बजे अन्त्यष्ति याइगु कलाकार आर्यम नकःमि जानकारी बिउगु दु ।
