कांग्रेसया निश्कर्ष : कोरोना नियन्त्रणय् सरकार असफल
लहनान्युज | तछलागा तृतीया ११४०,जेठ २६ सोमवाः
प्रमुख प्रतिपक्षी दल नेपाली कांग्रेसं कोभिड–१९ या रोकथाम तथा नियन्त्रणय् सरकार असफल जूगु निष्कर्ष पिकागु दु ।
थौं सोमवाः पार्टी केन्द्रीय कार्यालय सानेपाय् च्वंगु केन्द्रीय कार्यसमितिया बैठकं सरकारं लकडाउन यायेगु बाहेक छु न ज्या मयागु ठहर याःगु दु ।
पर्याप्त स्वास्थ्य सामाग्री आपूर्ति याये मफुगु, आपूर्ति जूगु सामाग्री न भ्रष्टाचार जूगु, व्यवस्थित क्वारेन्टिन मदुगु, परीक्षण किटया अभाव हे सरकारया असफलता उदांगो याःगु धका कांग्रेसं धाःगु दु ।
आइसोलेसन सेन्टर व प्रयोगशालाया गुणस्तर व ल्याः वृद्धि मयागु, विदेशपाखे वःपिन्त सुरक्षित रुपं छेँय् हये मफुगुु सरकारया कमजोरी जूगु कांग्रेसया ठहर याःगु दु ।
उगु बैठकं वरिष्ठ नेता रामचन्द्र पौडेलया नेतृत्वय् प्रधानमन्त्रीयात ज्ञापन पत्र बुझे यायेगु निर्णय याःगु दु ।
