नेपाली कांग्रेसया महामन्त्री मतगणना जुयाच्वंगुलि गगनकुमार थापा व विश्वप्रकाश शर्मा न्ह्यने लानाच्वंगु दु।

पार्टी कार्यालय, सानेपाय् सुरु जुयाच्वंगु गणनाय् ६०० मत ल्याःखागुलि थापां ३८१ मत हःगु दु सा विश्वप्रकाश शर्मां २२८ मत हःगु दु।

अथेहे प्रदीप पौडेलं २०७, प्रकाशशरण महतं २०१, मिनेन्द्र रिजालं १०१ व डाक्टर राजाराम कार्की २८ मत काउगु दु। थापा डाक्टर शेखर कोइराला प्यानलयाम्ह खःसा शर्मा प्रकाशमान सिंहया समूहपाखे महामन्त्रीया उम्मेदवारी बिउगु खः।

अथेहे पौडेल व महत सभापति निर्वाचित शेरबहादुर देउवा समूहयाम्ह ख। रिजाल शेखर समूहपाखे खःसा कार्की विमलेन्द्र निधि समूहपाखे महामन्त्रीया उम्मेदवारी बिउगु खः।

Categorized in राष्ट्रिय