नेपाली कांग्रेसया १४ क्वःगु महाधिवेशन अन्तर्गत शुक्रबाः निसे वडा अधिवेशन सुरु यायेत्यंगु दु।

महाधिवेशनया कार्यतालिका कथं १८ भदौय् तक देयन्यक वडा अधिवेशन याये माःगु खःसा थौं तक करिव ४५ गु जिल्लाय् जक अधिवेशन जुइ धका निर्वाचन समितिं धागु दु।

५६ गु जिल्लाय् क्रियाशील सदस्यता विवरण सार्वजनिक याये धुकुगु दु सा अय्न २१ गु जिल्लाय् सदस्यता टुंग्ये जुगु मदुनि। थौं दक्को जिल्लाया वडा अधिवेशन सुरु जुइ मखुनि। कांग्रेसं बाँकी दुगु जिल्लाया वडाय् २६ भदौ न्ह्यः अधिवेशन सम्पन्न यायेगु धका धागु दु।

२७ भदौय् निसे गां÷नगर अधिवेशन यायेमाः। विधान कथं २०७६ फागुनय् हे कांग्रेसया महाधिवेशन जुइ मागु खः। थुगु अधिबेशन ५ वर्ष ६ महिना लिपा सुरु जुइ त्यंगु खः। कांग्रेसया केन्द्रीय महाधिवेशन मंसिर ९ निसे १३ तक येँ जुइत्यंगु दु।

Categorized in राजनीति