कांग्रेसया वरिष्ठ नेता रामचन्द्र पौडेलयात प्रहरीें नियन्त्रणय् काल
लहानान्युज | कछलागा द्धितिया ११४१, मंसिर १७ बुधवाः
नेपाली कांग्रेसया वरिष्ठ नेता रामचन्द्र पौडेलयात तनहुँया प्रहरीें नियन्त्रणय् काःगु दु ।
तनहुँया ब्यास नगरपालिका वडा नम्बर १, १० व ११ स्वागु तालघरे दुम्सीचौर सतकया बुल्दीखोला ताँ उलेज्या यायेगु झ्वलय् प्रहरीं पौडेलनाप मेपिन्त न नियन्त्रणय् काःगु दु ।
पौडेलं थः प्रहरीं हिरासतय् काःगु धका सामाजिक सञ्जालय् च्वःगु खः।
संघीय सरकारया बजेटय् दयेकूगु उगु ताँ उलेज्या याना पौडेलं जस कायेत्यःगु धका नेपाल कम्युनिस्ट पार्टीया स्थानीय नेता कार्यकर्तापिन्स बिरोध याःगु खः।
बुधवाः पौडेलं ताँ उलेज्या यायेगु पूर्वनिर्धारित ज्याझ्वः खःसा जिल्ला प्रशासन कार्यालयं ताँ उलेज्याया विरोध यासे राष्ट्रिय युवा संघलगायतंं विरोध प्रदर्शन यायेगु ज्याझ्वः दुगु व झडपया सम्भावना दुगुलि ताँ दुगु क्षेत्रय् निषेधाज्ञा घोषणा याःगु खः।
थौं बुधवाः पौडेल ताँ उलेज्या यायेत कांग्रेस कार्यकर्ता नाप तधःगु पुचः अन थ्यःगु खः। तर प्रहरीें निषेधाज्ञा लगे जुगु धाःसे पौडेलयात नियन्त्रणय् काःगु खः।
नेता पौडेल, प्रदेश सांसद सरिता गुरुङ, तनहुँ कांग्रेसया कार्यवाहक अध्यक्ष जीतप्रकाश आले लगायतपिन्त न प्रहरीं ज्वःगु खः।
Categorized in राजनीति
