कांग्रेस नेता सिंह डिस्चार्ज
नेपाली कांग्रेसका नेता प्रकाशमान सिंह स्वास्थ्य सुधार जुइधुंकाः थौं सोमवाः डिस्चार्ज जुयादीगु दु ।
 
 
वंगु सोमवाः न्हिनय् स्वास्थ्यय् समस्या वयेवं कांग्रेस नेता सिंह वासः यायेगु नितिं मेडिसिटी अस्पताल भर्ना जुयादीगु खः । सिंहया वासः यायेगु नितिं डा. मिमि गिरी नेतृत्वया चिकित्सकया पुचः दुथ्याःगु खः । 
 
 
छेँय् लिहां वयेगु झ्वलय् सिंहं वासः यायेगु नितिं ज्या यानादीपिं चिकित्सकपिनिगु पुचः, अस्पताल व्यवस्थापन, थःगु उसाँययात कयाः च्यूताः तयादीपि स्वदेश व विदेशय् च्वनादीपिं थःथिति, पासाभाइ, शुभचिन्तक पार्टीया नेता कार्यकर्तापिन्त सुभाय् बियादिल । 
 
 
आः वय्कः छुं दिंया आरामलिपा पार्टीया ज्याय् लिहां झायादीगु धाःगु दु । हाइ सुगर, ज्वरो व पिसावय् संक्रमण खनेदयेवं सिंह अस्पताल भर्ना जुयादीगु खः ।
Categorized in राजनीति