काठमाडौंयात १–२ बुकाः बुटवल न्हापांगु क्वालिफायरया फाइनलय्
चौलागा आमै ११४१, बैसाख २८ मंगलबा
येँ न्ह्यनाच्वंगु नेपाल सुपर लिग एनएसएल फुटबल धेँधेँबल्लाय् न्हापांगु क्वालिफायर कासाय् धनगढी एफसी फाइनल थ्यंगु दु ।
मंगलबाः जूगु प्लेअफ कासाय् काठमाडौं रेजर्सयात थपू याःगु ईलय् २–१गू या गोल अन्तरं बुकाः धनगढी फाइनल थ्यंगु खः । यक्वः हे रोमाञ्चक जूगु कासाय् क्वछिनातःगु ९०गू मिनेटया कासाय् १÷१ या ज्वलिंज्व जूगु खः ।
कासाया ७५गू मिनेटय तेज तामाङं गोल याना काठमाडौंयात न्ह्यःने लाकूगु खः । अथेहे गोल जूगु स्वंगू मिनेटय् हे पुजन उपरकोटीं गोल याना धनगढीयात ज्वलिंज्व यायेत ताःलागु खः ।
क्वछिनातःगु ९०गू मिनेटय् कासाय् ज्वलिंज्वः जुइवं ई तंगु खः । तंगु ईया सच्छि व च्यागू मिनेटय् धनगढीया कासामी विशालं गोल याना फाइनल थ्यंकूगु खः ।