२०८० चैत्र १६, शुक्रबार

काठमाडौं व धनगढी दथुई फाइनल कासा जुइगु जुल

लहानान्युज | कछलाथ्व द्धितीया ११४१,बैसाख ३० बिहीवाः

स्वनिगलय् न्ह्यानाच्वंगु न्हापांगु फ्रेन्चाइज फुटबल धेँधेँबल्ला नेपाल सुपर लिग एनएसएलया उपाधिया लागि शनिबार धनगढी एफसी व काठमाडौं रेजर्स दथुई कासा जुइगु जूगु दु ।
 
थौं जूगु निगूगु क्वालिफायर्सय् काठमाडौं नं ललितपुर सिटीयात ३÷० जित हासिल याना फाइनलय् धनगढीलिसे कासा म्हितेगु पक्का याःगु खः । निगुलीं टिम दथुई न्ह्यानाच्वंगु धेँधेँबल्लाखय् स्वंगूगु कासा खः ।
 
थ्वसिबें न्ह्यः निगूलिं कासाय् धनगढी त्याःगु खः ।  लिग चरणया ३÷० नां त्याःगु धनगढीं न्हापांगु क्वालिफायर्सय् २÷० या जित पिकाःगु खः । थुखे ललितपुरं धाःसा २४घौया दुने हाकनं कासा म्हितेमाःबलय् कासामीपिन्सं निरीह व थकित प्रदशर्नन याःगु खः । काठमाडौंयात त्याकेत मसुकें निगू व बिनोङ्गं छगू गोल यात ।
 
म्हिगःया इलिमिनेटर कासाय् ललितपुरं बुटवल लुम्बिनी एफसीयात बुकूगु खः । न्हेगु टोलीया ब्वःति दूगु धेँधेँबल्लाया फाइनल कासा शनिबार जुई । फाइनलय् धनगढी व काठमाडौं दथुया त्याकुमिं उपाधिलिसें ३५ लखः त्याकिइ ।
 
Categorized in कासा