२०८० चैत्र १६, शुक्रबार

काबुलयात सैन्य अस्पतालय् विष्फोट, २०म्ह मन्त

कौलागा त्रयोदशी ११४१, कात्तिक १७ बुधबाः

अफगानिस्तानया राजधानी काबुलया छगू सैैनिक अस्पतालय् याकूगु विस्फोट व हतालय् लानाः २०म्ह मन्त ।

काबुलस्थित सर्दार खान सैनिक अस्पतालय् याकूगु विस्फोटय् लानाः मेपिं १६ घाःपाः जूगु दु । अस्पताल पिने विस्फोट याकेधुंकाः बन्दुकधारीत अस्पताल परिसरय् दुहांवःगु खः ।

आक्रमणया भाला अतिवादी मुस्लिम पुचः इस्लामिक स्टेटलिसे आबद्ध आईएस–कें काःगु दु । विस्फोट धुंकाः घटनास्थलय् कुँत्याः पिहांवःगु भिडियो सामाजिक संजालय् वःगु खः ।

निगू विस्फोटमध्ये छगू आत्मघाती याःगु अस्पतालया डा.सहिद अहदं जानकारी बियादिल । तालिबानं राजधानी काबुल कब्जा यायेधुंकाः आईएसं अफगानिस्तानय् हिंसात्मक हताः यानावःगु दु ।

Categorized in अन्तर्राष्ट्रिय