२०७७ माघ ८, बिहिबार

काराबाओ कपय् आर्सनल त्यात

मनिष | अनलाथ्व अष्तमी ११४०,असोज ८ बिहीवाः

प्रिमियर लिग क्लब आर्सनल काराबाओ कप फुटबलय् त्याःगु दु । म्हिगः बुधवाः चान्ह्य लेस्टर सिटीया घरेलु मैदानय् जूगु कासाय् आर्सनल २–० गोल त्याःगु खः।
 
न्हापागु हाफ गोलरहित बराबरी जुगु खःसा निगु हाफय् आर्सनल निगु गोल याःगु खः । आर्सनलया लागि एडवार्ड केटिहं छगु गोल व मेगु गोल आत्मघाति जुगु खः।
 
कासाया ५७ गु मिनेटय् लेस्टरया क्रिस्टियन फुच्स आत्मघाति गोल जुया आर्सनल १–० गोलं न्हयने लागु खः ।
 
अथेहे मेगु गोल कासाया लिपागु मिनेटय् एडवार्डं छगु गोल यासे आर्सनलयात २–० गोल त्याकुगु खः ।
 
थुगु कासा लिपा आर्सनल काराबाओ कपया मेगु चरणय् थ्यःगु दु।
Categorized in कासा